Несие алмас бұрын
- Төлемді табысыңызбен салыстырып есептеңіз. Барлық несиеге ай сайынғы табысыңыздың жартысынан көбі кетсе, жаңа несие алмай тоқтаған жөн.
- Несиені шынымен қажет мерзімге алыңыз. Жалақы 10 күннен кейін түсетін болса, жалақыға дейін 45 күнге несие алу — артық шығын.
- Ескі несиені жабу үшін жаңа несие алмаңыз. Бұлай қарыз азаймайды, керісінше өседі.
Несие алынып қойса
- Төлем күніне 2–3 күн қалғанда телефоныңызға еске салғыш қойыңыз — біздің SMS-хабарламаға қосымша.
- Деректемелер бойынша төлейсіз бе? Ақшаны алдын ала жіберіңіз: банкаралық аударым үш жұмыс күніне дейін жүруі мүмкін.
- Бос ақшаңыз болса — қарыздың бір бөлігін мерзімінен бұрын өтеңіз: сыйақы азаяды.
Төлемге ақша жетпесе
Ең бастысы — төлем күніне дейін кредиторға хабарлау. Егер төлем мерзімі өтіп кетсе, МҚҰ сізге 10 күнтізбелік күн ішінде хабарлауға міндетті, ал сізде шарт талаптарын өзгерту туралы өтініш беру үшін 30 күнтізбелік күн бар. SPR credit бұл үшін бірнеше нұсқа ұсынады:
- тек есептелген сыйақыны төлеп, «Экспресс» несиесін ұзарту;
- дәлелді себеп болған жағдайда төлемдерді кейінге қалдыру;
- төлемі азырақ жаңа кесте.
Өтініш 15 күнтізбелік күн ішінде қаралады. Толығырақ — «Төлеу қиын болса» бетінде.
Мерзімі өткен берешек қаншаға түседі
SPR credit шарттары бойынша тұрақсыздық айыбы — мерзімі өткен соманың күніне 0,2%. 100 000 ₸ төлемді 10 күнге кешіктірсеңіз, сыйақыға қоса тағы 2 000 ₸ төлейсіз. Бірақ ақшадан да қымбаты — кредиттік тарихтағы жазба: соның кесірінен банктер кейін ипотека мен бөліп төлеуден бас тартады немесе оны жоғарырақ пайызбен береді.
